Alvin and the Chipmunks
The Original Entourage
Synopsis:
Alvin and The Chipmunks က ၂၀၀၇ ခုနှစ်ကထွက်ရှိခဲ့တဲ့ ဇာတ်ကားလေးပါ။Live action, computer animated ပုံစံဇာတ်ကားဖြစ်ပြီး ဂီတနဲ့ ဟာသဇာတ်မြူးလေးကို ပုံဖော်ရိုက်ကူးထားတဲ့ ဇာတ်ကားလေးပါ။ အမေရိကန်ရဲ့ နာမည်ကြီး ဒါရိုက်တာဖြစ်တဲ့ Tim Hillကရိုက်ကူးပေးခဲ့တာပါ။အရမ်းကိုအောင်မြင်မှု ရရှိခဲ့တဲ့ ဇာတ်ကားလေးတစ်ကားပါ။ ၂၀၀၈ ခုနှစ်ရဲ့ ရောင်အားအကောင်းဆုံး DVD ရဲ့ နံပါတ် ၇ စာရင်းလည်းဝင်ခဲ့ပါတယ်။ အမေရိကန်ဒေါ်လာ ၁၀၁ သန်းနဲ့အထက် ဝင်ငွေရရှိခဲ့တဲ့ ဇာတ်ကားလေးလည်းဖြစ်ပါတယ်။
ဇာတ်ကားလေးရဲ့အကြောင်းအရာကတော့ တောအုပ်ကြီးတစ်ခုရဲ့ သစ်ပင်တစ်ပင်ပေါ်မှာနေထိုင်ကြတဲ့ အယ်လ်ဗင် ဆိုင်မွန် သီအိုဒို ဆိုတဲ့ ချစ်မန့်ခ် ညီအစ်ကိုသုံးကောင်က သူတို့နေထိုင်တဲ့ သစ်ပင်ဟာ ခုတ်လှဲခံရပြီး လော့ဒ်အိန်ဂျလိမြို့ကို သယ်ဆောင်ခံခဲ့ရပါတယ်။အကြောင်းကတော့ ဂျက်တေးသံသွင်းရဲ့ ခရစ်စမတ်သစ်ပင်အတွက်ပါ။ အောင်မြင်တဲ့ တေးရေးဆရာတစ်ယောက် ဖြစ်အောင် အမြဲကြိုးစားနေတဲ့ ဒေ့ဗ် စဗလီ,ချစ်မန့်ခ် ဆိုပေမယ့် လူစကားပြောတတ်တဲ့ ချစ်မန့်ခ် လေးသုံးကောင်နဲ့ ဒေ့ဗ် ရဲ့တွေ့ဆုံမှုက ဘယ်လိုဖြစ်မလဲ။ဒေ့ဗ်ရဲ့ဘဝနဲ့ ချစ်မန့် ခ်လေးတွေရဲ့ ဘဝ ဘယ်လိုတစ်ဆစ်ချိုးပြောင်းလဲလာမလဲဆိုတာ စိတ်ဝင်စားရင် ဇာတ်လမ်းလေးထဲမှာ စောင့်မျှော်အားပေးပေးပါ။