Andhadhun (စက္ခုမဲ့သံစဉ်)
Blu-Ray ထွက်လာလို့ စာအပြည့်အစုံ ပေါင်းထည့်ပြင်ဆင်ပြီး Update ပေးလိုက်ပါတယ်။
အရင်တင်တုန်းက စာသားမပြည့်စုံဘဲ အနည်းငယ်ခြွင်းချက် ရှိတာကို နားလည်ပေးမယ် ထင်ပါတယ်။ ခုတော့ အားလုံး ပြင်ဆင်ပြီး တင်ပေးလိုက်ပါပြီ။
IMDb Rating – 8.7/10
Google Users – 97% liked
Rotten Tomatoes – 100%
Genre – Thriller/Crime
Duration – 2hrs 19mins
Quality – Blu-Ray Original
[ စန္ဒယား တေးသံတို့က ချိုလွင်သာယာလှစွာ ပျံ့လွင်နေလေသည် ] ထို့ထက် ယခုလို သံစဉ်တွေကို မျက်မမြင်တစ်ယောက်၏လက်သွယ်များကတဆင့် မွေးဖွားနေခဲ့သည်က ပို၍ အံ့သြဖွယ်ကောင်းနေလေသည်။ အာကက်ရှ် ………။ အာကက်ရှ် က ထူးဆန်းတဲ့သူ ။ တစ်ခါတရံ အတွေးဆန်းနေတဲ့ ရူးကြောင်ကြောင် တစ်ယောက်ဆိုလည်း သိပ်မမှားပါဘူး။ မျက်မမြင် လို့ လူအများက သိထားပေမယ့် အာကက်ရှ်က စက္ခုကွယ်တဲ့ သူ မဟုတ်ခဲ့ပါဘူး။ ကျော်ကြားတဲ့ မျက်မမြင် ဂီတရှင်တွေလို သူရဲ့ အတွေးကနစ်ဝင်နေတယ်။
သနားကြည့် ကြည့်တဲ့ လူတွေရဲ့ အားပေးမှုက အခြားသူတွေထက် ပိုအောင်မြင်တယ်လို့ ယူဆပုံရပါတယ်။ သူဟာ အခန်းကျဉ်းလေး တစ်ခုမှာနေထိုင်ရင်း မျက်မမြင်လို နေတယ်။ မကြာခင် မှာ လန်ဒန်ဆီ ထွက်ခွာဖို့လည်း ပြင်ဆင်နေခဲ့တယ်။ တစ်နေ့မှာတော့ အာကက်ရှ် ဟာ ဆိုဖီဆိုတဲ့ ကောင်မလေးနဲ့ ဆုံခဲ့ရတယ်။ ဆိုဖီရဲ့ အကူအညီနဲ့ ပဲ ဆိုဖီအဖေ့စားသောက်ဆိုင်မှာ စန္ဒရား တီးရတယ်။ အာကက်ရှ်က ပါရမီ ရှိတဲ့ သူ တစ်ယောက်။ လူအတော်များများဟာ သူရဲ့ သံစဉ်က ရုန်းထွက်ဖို့ ခက်လှတယ်။
အဲဒီ့လို အားပေးတဲ့သူ တွေထဲမှာ ရုပ်ရှင်မင်းသားကြီး ပရာမော့ဒ် လည်းပါဝင်နေခဲ့ပါတယ်။ ဒီလိုနဲ့ ပရာမော့ဒ် က သူရဲ့ မင်္ဂလာဆောင်နှစ်ပတ်လည်နေ့အတွက် စန္ဒရားတီးပေးဖို့ အာကက်ရှ်ကို ချိန်းဆိုခဲ့ပါတယ်။ ချိန်းဆိုရက်ရောက်တော့ အာကက်ရှ်လည်း ပရာမော့ဒ် အိမ်ကို ရောက်သွားခဲ့ပါတယ်။ ပရာမော့ဒ် ဇနီးက တံခါးဖွင့်ပေးခဲ့ပြီး ပရာမော့ဒ်ကို တော့ မတွေ့ခဲ့ပါဘူး ။ ဒါပေမဲ့ သူ တွေ့လိုက်တာက ကြမ်းပြင်ထက်မှာ အစွန်းထွက်နေတဲ့ ခြေအစုံကိုပါ။ ဘေးပတ်လည်မှာ ပြန့်ကျနေတဲ့ ပန်းစည်းနဲ့ ကွဲရှနေတဲ့ ၀ိုင် တွေ ရယ်။ တစ်ခုခုတော့ ဆန်းကြယ်နေခဲ့ပါပြီ။ ဒီလိုနဲ့ မျက်မမြင်ဟန်မဆောင်သူ အာကက်ရှ်တစ်ယောက် စူးစမ်းကြည့်မိလိုက်တဲ့အခါမှာတော့ …… အသက်မဲ့နေတဲ့ ၀ိညာဉ် တစ်ခု။
ဘဝဟာ ထင်သလောက် မတိမ်တဲ့ အနက်ရှိတယ် မဟုတ်လား ။ တစ်ခါတလေ ရိုးရှင်းစွာနေပေမယ့် အရှုပ်ဟာ လက်ဆောင်တွေလို ရောက်လာတတ်ခဲ့ပါတယ်။ စန္ဒရားခုံကနေ အာကက်ရှ် ထသွားပစ်လို့ရနိုင်ပေမယ့် အချို့မှုခင်း တချို့ကနေ ရှောင်လွှဲပစ်လိုက်လို့ရနိုင်မှာ မဟုတ်ပါဘူး ။ သူက မျက်မြင် သက်သေ။ ဒါပေမဲ့ မျက်မမြင် လို့ သိထားတဲ့အတွက် မျက်မြင် သက်သေလို့ ပြောခွင့်မရနိုင်။ ဒါ့ကြောင့် ဂီတကိုသာ အရှိန်ပြင်းပြင်းနဲ့ သာ သူ တီးခတ်နေခဲ့မိတော့တယ်။ အဲ့ဒီနောက် စန္ဒယား ဂီတ သံတွေ … အာကက်ရှ်နဲ့ လူသတ်မှု မြင်ကွင်းတွေနဲ့ ဟန်ဆောင်မှု ကောင်းတဲ့ လူ့အတ္တတွေက သဘာဝဆန်စွာ ပြောပြနေပါဦးမယ်။
•••••••••••••••••••••••••••
တကယ်တော့ ဒီဇာတ်လမ်းဟာ အလှည့်အပြောင်း အရမ်းမဆန်ပေမယ့် မတွေးမိတဲ့ ရှုထောင့် များစွာ ပါဝင်ပါတယ်။ ဒီဇာတ်ကား ဟာ အစလည်း မလွတ်သင့်သလို အဆုံးလည်း မရစ်သင့်တဲ့ ဇာတ်ကားပါ ။ အဆုံးရဲ့ အဖြေဟာ လှည့်ကွက်တစ်ခုရဲ့ ပဟေဠိ လို့ ဆိုနိုင်သလို ကျွန်တော်တို့စိတ်ရဲ့ ပြယုဂ် တစ်ခုလည်း ဖြစ်ပါတယ်။ ကျွန်တော်တို့ ပဲ စဉ်းစားရမယ့် မဆုံးသေးတဲ့ ၀ါကျပါ။ ဇာတ်ကား အဆုံးထိ ခံစားမှုမကျန်ခဲ့ပေမယ့် အခြား Review တွေ ပြန်ဖတ်ရတဲ့အခါ အံ့အားသင့်လာရပါတယ်။
ထောင့်စေ့အောင် ကြည့်ပြီး သဘာဝဆန်ဆန် ပဲ ကြိုက်တဲ့သူတွေ အတွက်ကတော့ သဘောတွေ့မှာပါ။ ဒီ ဇာတ်လမ်းက အဆုံးကို ခန့်မှန်းမိတာထက် လှည့်ဖျားသွားမှန်း မသိစေတာက ကျွန်တော့်ကို ဖျားသွားစေပါတယ်။ ဒါ့ကြောင့် မြင်အောင်လည်း ကြည့်ပါ ။ မမြင်တာလည်း ကြည့်ပါ။ ကြည့်ပြီးတဲ့အခါ မတင်မကျနိုင်ပြီး ပြန်တွေးကြည့်နိုင်ရင် ဇာတ်ကား အနှစ်သာရ ကို သိလာမှာပါ။ ဒါ့ကြောင့် အချိန်နှစ်နာရီလောက်နဲ့ ကျွန်တော်တို့ဦးနှောက်လေးကို အလုပ်ပေးလိုက်ရအောင်။
သတိ – အစ နဲ့ အဆုံးကို မလွတ်စေရန် ကိုလင်းခယံဆီမှ ကူးယူဖော်ပြထားပါတယ်။
Translated by Myint Thu & Nyi Nyi Koe
Encoder — Sai Wunna
