I Saw the Devil
Abandon all compassion.Synopsis:
နှလုံးအားနည်းသူတွေလုံးဝမကြည့်ကြပါနဲ့
“လူဆိုတာ တစ်ချိန်ကျရင် ကိုယ်အမုန်းဆုံးအရာ ပြန်ဖြစ်လာတာပါပဲ”
I Saw The Devil ကို ကြည့်ရတဲ့အကြောင်းအရင်းရှိပါတယ်။ အဲဒါက Byung-Hun Lee နဲ့ Min-sik Choi တို့ပါလို့ပါ။ Min-sik Choi ဆိုတာသိတဲ့အတိုင်း နိုင်ငံတကာထိပ်တန်းစာရင်းဝင် ကိုရီးယားကားတွေမှာပါနေတဲ့ ဘဲကြီး။ သရုပ်ဆောင်ချက်တွေက အလန်း။ ဒါမယ့်အဲဒီအချိန်တုံးကလည်း Byung-Hun Lee ဆိုတာက ထိပ်တန်း မင်းသား တစ်လက်ဖြစ်နေပါပြီ။
မိန်းမကိုသတ်သွားတယ်။ အဲဒီသတ်သွားတဲ့ကောင်ကို ပြန်လိုက်သတ်တယ်။ ဇာတ်လမ်းကတော့ အဲလိုပါ။ ဒါမယ့် ဒီထက်ရှုပ်ထွေးတာတွေဖြစ်လာတယ်။ အဝမ်းနည်းကြီးဝမ်းနည်းရာကဖြစ်တည်လာတဲ့ အမုန်းတရားတွေ၊ ဒေါသတွေက အခြေပြုလုိ့ သတ်တာထက်ပိုတဲ့ အညိုးတစ်ကြီး ကလဲ့စားခြေတာတွေဖြစ်လာခဲ့တယ်။ ဒီကားထဲမှာ Min-sik Choi ရဲ့ သရုပ်ဆောင်ချက်တွေကလည်း ရွံ့ဖို့ကောင်းလောက်အောင် ပီပြင်သလို၊ Byun- Hun Lee ကလည်း ထုံပေပေ အူကြောင်ကြားပုံစံနဲ့ ဆော်ပလောတီးသွားခဲ့တယ်။
I Saw The Devil ရဲ့ဇာတ်လမ်းကို ပြောပြရမယ့်အစား ဒီကားမှာပေးထားတဲ့ ဆိုက်ကိုအကြောင်းပြောကြရအောင်ပါ။ ဇာတ်လမ်းပြောလိုက်ရင် ခင်ဗျားတို့လည်း ဖီးလ်လာတော့မှာမဟုတ်ဘူး။ ဒီကားမှာ လူတစ်ယောက်က ချစ်ခြင်း မေတ္တာနဲ့ အသက်ရှင်နေရာကနေ အမုန်းတရားဘက်ရောက်လာတော့ ဘယ်လိုရှေ့ဆက်သွားခဲ့လဲ။ လူဆိုး၊ လူကောင်း၊ အဖြူ၊ အမည်း၊ အချစ်၊ အမုန်းတွေ ကွဲပြားလာရာကနေ နောက်ဆုံး ဘာတွေဘယ်လိုပြောင်းပြန်ဖြစ်ခဲ့လဲဆိုတာ ဒီကားမှာ ပက်ပက်စက်စက်ကြည့်ရမယ်။
ဒီကားက ကနဦးစထွက်တော့ ကိုရီးယားမှာ ပိတ်ပင်ခံရပါတယ်။ ကိုရီးယားရုပ်ရှင်ဆင်ဆာကနေဖြတ်ထားတာ ဒီကားရဲ့ အချိန်က နာရီဝက် သာသာလောက်ပဲကျန်တာပေ့ါ။ International Release လုပ်တော့မှသာ အပြည့်ကြည့်ရတာပါ။ တစ်ချို့အခန်းတွေကို မိုက်ရိုင်းလွန်းလို့ ကွကိုတောင် ကျော်ပစ်ရတာတွေရှိပါတယ်။
လူတစ်ယောက်ကို ဘယ်လောက် မိုက်ရိုင်းဘူးလဲ၊ ဘယ်လောက် အညိုးကြီးဘူးလဲ၊ ဘယ်လောက်တောင်မုန်းဘူးလဲ။
အရမ်းကြမ်းပြီး deep ဖြစ်လွန်းတဲ့ကားမျိုးကြည့်ချင်ရင်တော့ ဒီကားသာကြည့်။ တစ်ချို့ကတော့ မကြိုက်ဘူး။ ရွံ့စရာ ကောင်းတယ်ပြောတယ်။ တစ်ချို့ကျတော့လည်း ဒီကောင်မိုက်ရိုင်းတာနည်းသေးတယ်လို့ဆိုတယ်။ တစ်ချို့ကျတော့ တို့တောင်မတို့တော့ဘူး။ ခင်ဗျားတို့စိတ်ထဲမှာရော ဒီကားကြည့်ပြီးဘာဖြစ်ခဲ့လဲ?..
#Credit