အခုတင်ဆက်ပေးမယ့် ဇာတ်ကားကတော့ ၂၀၁၅ မှာထွက်ရှိခဲ့တဲ့ Insurgent ဆိုတဲ့ ဇာတ်ကားပဲဖြစ်ပါတယ် ။
ဒီဇာတ်ကားရဲ့အရှေ့မှာ Divergent ဆိုတဲ့ဇာတ်ကားတစ်ကား ထွက်ရှိထားပါတယ် ။ Insurgent က Divergent ရဲ့အဆက်ဖြစ်ပါတယ် ။
အားလုံးသိပြီးတဲ့အတိုင်း Divergent မှာ မင်းသမီးက ကွဲလွဲသူဖြစ်နေတာကို ဖုံးကွယ်ဖို့ကြိုးစားရင်း မင်းသားနဲ့အတူ
လူတွေအားလုံးကို လက်ဝါးကြီးအုပ်ပြီး အုပ်ချုပ်ဖို့ကြိုးစားနေတဲ့ပညာရှင်အုပ်စုကို တိုက်ခိုက်ဖို့ကြိုးစားတာကို ရိုက်ကူးထားတာပါ ။
Divergent ရဲ့အဆက်ဖြစ်တဲ့ Insurgent မှာဆိုရင်တော့ ပညာရှင်အုပ်စုက ကွဲလွဲသူတွေကိုအသုံးချပြီး သုတေသနတစ်ခုလုပ်ပါတယ် ။
အဲ့သုတေသနက လူကိုသေစေတဲ့အထိ အလွန်ပြင်းထန်ပါတယ် ။ ကွဲလွဲသူတစ်ယောက်ဖြစ်တဲ့ မင်းသမီးကို သုတေသနမှာ
စမ်းသပ်လိုက်တဲ့အခါ သူအောင်မြင်နိုင်ပါ့မလား ။ အဲ့ဒီ့သုတေသနကနေ မထင်မှတ်ထားတဲ့ ဘယ်လိုလျှို့ဝှက်ချက်တွေ ထွက်လာမလဲဆိုတာကိုတော့
ဒီဇာတ်ကားမှာ ဆက်လက်ကြည့်ရှုပေးကြပါဦး ။
Divergent နဲ့ Insurgent မှာ ဇာတ်အိမ်နှစ်ခုက ဆက်စပ်နေတာဖြစ်တဲ့အတွက် Divergent ကိုအရင်ကြည့်မှ ဇာတ်လမ်းကို ခြုံငုံမိမှာပါ။
ဇာတ်လမ်းဇာတ်ကွက်နဲ့ ရိုက်ကူးချက်တွေ ကောင်းမွန်တဲ့အတွက် အချိန်ပေးရကျိုးနပ်မယ့် ဇာတ်ကားပဲဖြစ်ပါတယ်။
Review Credit