ကိုရီးယားမှာ လူသတ်မှုတွေ ဆက်တိုက်ဖြစ်ပွါးနေပြီး တရားခံတစ်ယောက်တည်းက ကျူးလွန်နေတယ်လို့ ရဲက သံသယရှိနေချိန်၊ တစ်ညမှာ အဆိုပါလူသတ်သမားရဲ့ သားကောင်ဟာ နာမည်ကြီး လူမိုက်ဂိုဏ်းခေါင်းဆောင်ဖြစ်နေတဲ့အခါ ပြန်လည်ခုခံတဲ့အတွက် လူသတ်သမားထွက်ပြေးသွားရတယ်။ လူမိုက်ဂိုဏ်းခေါင်းဆောင်လဲ ဓါးဒဏ်ရာပေါင်းများစွာနဲ့ မသေရုံတမယ် လွတ်မြောက်ခဲ့ရပေမယ့် ဂိုဏ်းလောကမှာ လူမိုက်ခေါင်းလုပ်နေပြီး ဓါးထိုးခံရတယ်ဆိုပြီး အလှောင်ခံရတဲ့အခါ ဘယ်လိုမှ သည်းမခံနိုင်ဘဲ အဆိုပါလူသတ်သမားကို ရအောင်ရှာဖို့ တပည့်တွေနဲ့ အသည်းအသန်ရှာတော့တယ်။ အဲ့ဒီအချိန်မှာပဲ ကွင်းဆက်လူသတ်မှုလို့ယုံကြည်ပြီး တရားခံကိုအသည်းအသန်လိုက်နေတဲ့ ရဲစုံထောက်တစ်ယောက်က အဆိုပါလူမိုက်ဂိုဏ်းခေါင်းဆောင်နဲ့ အပေးအယူလုပ်ကာ လူမိုက်နဲ့ ရဲ ပူးပေါင်းပြီး တရားခံဖမ်းဖို့ကြိုးစားကြတဲ့အခါ ..
ကိုရီးယားမှာ တကယ်ဖြစ်ခဲ့တဲ့ အဖြစ်အပျက်ကို အခြေခံရိုက်ကူးထားတာမို့ ဇာတ်လမ်းက စိတ်ဝင်စားဖို့တကယ်ကောင်းပါတယ်။ စုံထောက်အက်ရှင်ကားဖြစ်ပြီး တစ်ကားလုံး မပျင်းရပါဘူး။
သွေးသံရဲရဲလူသတ်မှုတွေ ရန်ဖြစ်တိုက်ခိုက်ခန်းတွေနဲ့ စကားလုံးအသုံးအနှုန်းကြမ်းတာတွေ လှိုင်လှိုင်ပါလို့ ၁၈ နှစ်အောက် အုပ်ထိန်းသူခွင့်ပြုချက်မပါဘဲမကြည့်သင့်တဲ့ R အဆင့်သတ်မှတ်ချက်ရှိပါတယ်။
Review Credit to Original
